تغذيت المحرك بالماء والميثانول!! methanol water injection kit

[صارحيني]

السلام عليكم ورحمة الله وبركاته

اليوم موضوعنا عن تغذيت المحرك بالماء والميثانول !!

اممممــ
الحين مو المحرك يتغذى على البنزين اوالديزل ؟ صح
اوكي الشباب لاجو يزودون يركبون غاز صح ؟ صح

طيب تقدرون تتخيلون السياره بدل ما تدخل نايتروس(غاز) للمحرك تدخل ماي وميثانول !!!

الكثير بيتسائل كيف وليش نحط ميثانول مع ماء !! وش الفايده !!

ادري احين تقرا الموضوع ويمكن تقول مجنون يبي يخرب المكينه يدخل لها ماء وميثانول في غرفة الاحتراق لاكن انتظر لين تفهم عمل الماء مع الميثانول وفايدته للمحرك وبعدها نشوف كيف انا مجنون


اليوم راح اقدم لكم الماء والميثنول لتغذيت المحرك

مما يتكون الكت ؟


جهاز كمبيوتر للتحم في الانجكتر
انجكتر
علبة فيها ماي وميثانو
طرمبة

هذا هو الكت بكل بساطه

يوجد شركات كثيره مشهوره بصنع هذا الجهاز لاكن افضلها لدي هم sw preformance ,AEM

وهذا فيديو للكت عشان بس تشوفون وش يجي وياها بالضبط لمن تفتحها من الكرتون



اليوم راح اخلي الشرح على شركة sw preformance و aem والشرح ينطبق على كل الشركات وكل الأجهزه الي تستخدم نفس هالنظام


اول شي نشوف صورة الكت كامل

aem


sw preformance



طيب الان عرفنا مما يتكون الكت صح ؟ صح

السؤال الان كيف يعمل !!

بكل بساطه طريقة عمله مثل طريقة عمل النايتروس (غاز ) في السياره

يتم تركيب الانجكتر في الرامير او مايسمى بالانتيك قبل الثروتل بدي ومن ثم يتم تشبيك الطرمبه وتسليك الوايرات
وبعد ذالك يتم تشبيك حساس للحراه تبع الكمبوتر في الأقزوز طبعا اذا كانت الكت فيها حساس للحراره بالعاده لايوجد في السيارات الغير تيربو او سوبر شارج

هذا فيديو يوضح طريقة عمله بالتفصيل



هذي صوره مبسطه لطريقة عمل السستم على محرك تيربو




طبعا الكت يركب على جميع انواع المحركات سواء تيربو ديزل ولا تيربو بنزين ولا سياره بخاخ او حتى كربريتر

^_^ الكت موجود للكل


طيب احين عرفنا طريقة تركيبه صح ؟ يمكن !!

هنا فيديو يشرح طريقة تركيب الكت من شركة sw preformance

التركيب على كومارو سوبر شارج بعد تركيب الكت حصلو على 88 حصان !! اي اصبحت الكومارو




طيب الان بعد ماشفنا كل هذا نوقف ونتسائل كم قيمة هالكت ؟

قيمته تتراوح من 600 ريال سعودي الى 2400 ريال سعودي على حسب الاستيج 1 2 او 3

طبعا كل ما زدت استيج كل ما كبرت العلبه و الطرمبه والانجكتر


هنا بعض من اوراق الداينو للسيارات الي مركيبين الكت

ميستو بيشي لانسر 2003

طبعا الخط الازرق بعد تركيب الميثانول والماء والخط الاحمر قبل



هنا الكت مركب على
سوبر شارج كوبرا موديل 93

الخط الازرق بعد التركيب والاحمر قبل التركيب



ليش احتاج اركبها ؟

ااذا سيارتك ترفع حراره في التفحيط او القومات او في الحر الشديد خصوصا للسيارات التيربو او السوبر شارج راح يكون امر مفيد لانها ممكن تنزل درجة الحراره الى 100 فهرن هايت

اذا كنت ناوي تاخذ باور من 40 حصان الى 150 حصان فسوف تكون الخيار الصحيح

مقارنة مع النايتروس السستم هذا افضل و ارخص و فيه اي خطوره على المحرك او على القائد

سهل التركيب ولا يستغرق سوى 2 ساعتين الى 4 ساعات كحد اقصى في التركيب


الان انتهينا من السستم ^_^ كله وفهمنا طريقة شغله

انا كاتب الموضوع على السريع وادري ان الكل يمكن مايفهم وش الي ينقال في الفيديو
اذا في اي سؤال لا احد يستحي ويطرحه هنا والي يستحي يرسل على الخاص



اتمنى الموضوع عجبكم

ول من قراء وعجبه الموضوع

[زعيم الوحوش]

مشكور على الشرح واصل اخوي

[الدمعه الحزينة]

مشكور اخوي على الموضوع المفيد
وصراحه طلع في حاجااات واااجد في التزويد مانفقه فيها ولا ندري عنها
واصل من غير فواصل
تحياتي الك

[BIN-DAKHEEL]

هدا سبب هام لسيارات التزويد و خاصة التيربو في تنزيل الحرارة




مشكور على الشرح و يعطيك العافية


واصل يالخوي

[صارحيني]

م يا حلوين على الردود الرائعه واتمنى الكل استفاد

نورتو حبايبي

[نيسان جامد]

يسلمو اخي على المعلومات الحلوه

ونتريا جديدك يالغلا

[caprice]

مشكور على المعلومات المفيدة بس عندى سؤال لو ركبت هذي القطعة هل تصير السيارة ما تحتاج بنزين

[ahmed484]

ما شاء الله عليك


ابدعت

واااصل وزيدنا من هالزين

[صارحيني]

مشكور على المعلومات المفيدة بس عندى سؤال لو ركبت هذي القطعة هل تصير السيارة ما تحتاج بنزين

لا السياره راح تضل صرفيتها نفس ما اهي . الكت هذا ماله دخل في البنزين كثير بس فيه احتمال ان الصرفيه تقل شويه بسبب قلة الحراره وبسبب احتراق الميثانول داخل الغرفه

مما يؤدي الى احتراق البنزين بشكل جيد وهذا الشي يؤدي الى قلة صرفية البنزين شويه ^_^ بس ما اعتمد على القطعه واقول انها تقلل البنزين هي تزيد الباور وتنزل الحراره اكثر من انها تقلل البنزين ^_^


اخواني يعطيكم الف الف عافيه على الردود

نورتو الموضوع والله

[gtr hks]

اهااااا من وين بتجيب الميثانول؟؟
ماتدري يالغالي هذا غول >>خمر
هههههههههه
اقول افتح محل وبيع ميثانول صدقني بتنجح
هههههه
اشكرك على الموضوع الرائع يالغالي
تحياتي

[صارحيني]

اهااااا من وين بتجيب الميثانول؟؟
ماتدري يالغالي هذا غول >>خمر
هههههههههه
اقول افتح محل وبيع ميثانول صدقني بتنجح
هههههه
اشكرك على الموضوع الرائع يالغالي
تحياتي

اخوي مادة الميثانول ما اعرف من وين بنجيبها لاكنها متوفره في كل مكان ومتأكد ان في محلات تبيعها بالسعوديه

بس الي انا اعرفه ان نفسه الموقع الي راح نطلب منه الكت يبيع الميثانول جاهز مخلوط 50 بالميه ماء و 50 بالميه ميثانول

انا اعرف شخص من جده طلب الكت وطلب الميثانول ووصله للبيت بدون اي مشاكل

واذا على محل الميثانول بخلي الفكره لصاحبها

[black magic]

صراحه موضوع جبار وشرح ماشاء الله>>>مو فاهم شي خخخخخ
كل الشكر لك يالذيب على المجهود الطيب
وصراحه دائما مميز في هيك مواضيع

تحياتي لك
...

[gtr hks]

اهاااا خير ان شاء الله
>>>كنت امزح وياك بس لاتاخذ في خاطرك
اشكرك على الموضوع الرائع
تحياتي

[iwas330]

طيب علبة الميثانول والماء
كم تدوم وياك ؟ وهل تضل على طول شغالة او وقت ما نحتاج البور ؟ وبكم العلبة اذا خلصت ؟

واسمح لي على درزن الاسلئلة :P

بس ناويها على بي ام 328i

[Migo77]

يستاهل التثبيت يا صارحيني وانا انبهرت من الموضوع شغل صحيح وسليم وماتوقعت انا هالشي يعطي هالفوايد وخاصه لما جابو المثال كيف الطفل يقوم من البركه وجسمه يبرد

تحياتي لك واحترامي يالغالي وانشالله نسوي الفكره على مشروع من مشاريعنا