طريقة تحويل بيبات الاقزوز من اللون الفضي الى ستانستيل !!

[صارحيني]

السلام عليكم ورحمة الله وبركاته

الكثير منا لديه سياره و الكثير منا قد يرى ان سيارته تبرز من خلال الشكامين او بيبات الاقزوز وخصوصا السيارات السبورت التي لديها بيبات اقزوز اكبر ومرئيه اكثر من الخلف

الكثير يريد البيبات ستانستيل ولكن الي نعرفه بيبات الشركات فقط الي يجون ستانستيل و تكلف الكثير من المال

لذاك هناك حل ارخص وافضل من شراء ستسم اقزوز كامل اذا كان سستم الوكاله جيد وممتاز


طبعا الكل يقدر يطبق هالخطوات بس اهم شي البيبات لا يصيرون مصدين ^_^!!


تابعو معي بالصور

بس قبل لا ابدا راح احط لكم الأدوات التي نحتاجها لجعل الاقزوز سستم يصبح ستانستيل

طبعا افضل شي انك تفك الاقزوز سستم وتشتغل عليه وهو على الارض ^_^!! مثل ماهو بالشرح هنا بس اذا كان السستم ملحم وكذا كل ماعليك هو ان تنزل تحت السياره وترفعها فوق وتشتغل ^_^!!


المهم الادوات الي نحتاجها هي :

1. اوراق صنفره رقم 100, 220, 320, 400, 600, 1000, 1500, 2000

2 . دريل

3. علبة ماء وفيها رشاش ( شوف لك منظف زجاج وحط فيه ماء ^_^!! او اي علبه فيها طشاش ماء )

4. قطن

5. ملمع المنيوم او بولش

6. قطعه قماش او خلق عشان تسمح الماء من على البيبات

7. بالنهايه يد قويه وتتحمل تصنفر وتصنفر لين يقلب البيب ستانستيل ^_^!!

هنا مثل ما احنا شايفين البيب قبل لا المسه او اسوي في اي شي







.

طبعا عشان يكون الشغل اسرع بنحتاج لهالشي الا وهو الصنفره الخشنه مدري وش يسمونها بس الصور تتكلم ^_^!!

نركبها في الدريل ونستلم الشغل بس انتبهو لا تستخدمونها بزياده وتخربون الشغل ^_^!!


بعد التركيب على الدريل


وهنا بعد شوية صنفره بالدري





وهنا بعد الصنفره بورق الصنفره رقم 100

يرحى لبس قفازات اذا كنت ماتبي اصابعك تنجرح ^_^!!


هنا صوره بعد الصنفره بورقه رقم 200 و 300




هنا صوره بعد الصنفره ب ورقه رقم 400 وهنا فرق واضح بين البيب الاصلي والبيب بعد الصنفره

. هنا الصنفره بالورقه رقم 600




هنا صوره للبيب الاصلي مع البيب الي صنفرته بورقة الصنفره رقم 600


من هنا عجبني كل شي وانتقلت من 600 الى 1000




هنا صوره للبيب الي صنفرته بالورقه رقم 1000 و البيب الاصلي الغير مصنفر


. هنا الصنفره رقم 1500




البيب الاصلي مع البيب الي صنفرته بالورقه رقم 1500


. وهنا بعد الصنفره رقم 2000 ومثل محنا شايفين تقريبا نيكل اللون






. هنا صوره للبيب الاصلي مع البيب المصنفر بالورقه رقم 2000



في الخطوات الاخيره استعملت ملمع واستخدمت الدريل مع شوية قطن اسرع للتلميع







في النهايه هذا الي طلعت فيه ^_^










هنا صوره للبيب الاصلي والبيب الي صنفرته





وهنا مثال للاقزوز الي سيارتك راح توصل له بعد ما تخلص صنفرة بيبات الاقزوز حق السياره ^_^



اتمنى انكم استفدتو

وم على القرائه والي عنده سؤال لا يستحي

[الدمعه الحزينة]

ماشاء الله
فرق واضح صرااااحه

صحيح شكلها الشغلة متعبة شوي لاكن تستاهل التعب وراح توفر كثير



مشكور يالخوي على المجهود الطيب
والتقرير المفصل
الله يعطيك العافية
واااصل

الى الامام الى الامام



تقبل مروري

[صارحيني]

يعطيك الف الف عافيه اخوي الدمعه الحزينه

لعيونك راح اواصل الى الامام حتى الموت لول

باقي الجديد جاااااااااااااااااااااااي تحرى

[HaIYeR]

شغل جامد
يعطيك الف عافية اخي على الطرح المميز

[HaIYeR]

تم التثبيت للفائدة

[صارحيني]

يعطيك الف الف عافيه خيي مشكور و ماقصرت بصراحه

[BIN-DAKHEEL]

مشكوور أخوي صارحيني على المجهود

[صارحيني]

لاشكر على واجب اخوي نورت ^_^

[lovelorn]

يعطيك العافيه اخوي
وبالصراحه شغل مرتب ونظيف
يسلمووو ع الطرح

[مجهول الهوية]

تسلم ماتقصر
انك تفيدنا وايد بالموضوعات الا تحطهم والا يحطوهم بعض الشباب

[صارحيني]

مشكور اخي نورت وشرفت الموضوع

اخوي مجهوووول ^_^ كلنا نتعلم و هذا الحياه انا اتشرف اني اخدمكم يا احلى اعضاء
مشكور نوررررررت الموضوع بوجودك

[سكروب مربع]

ما شاء الله تبارك شغل عددددل

وواصل بدون فواصل وسلمت يمناك

تحياتي

[بوجواد]

بس مافيها فايدة يالخوي لانه من لحرارة رح يصدي وعوامل الجوو ايضا

[AL- Saffar Racing Team]

مشكور يا صارحيني على المجهود وما ننحرم منك و من جديدك

[صارحيني]

بس مافيها فايدة يالخوي لانه من لحرارة رح يصدي وعوامل الجوو ايضا

بالعكس عمر البيب راح يطول اكثر وذالك بسبب الصنفره لان البيب يصدي اذا انشمخ وجى عليه ماي

بالهطريقه راح تزيل جميع الشموخ على البيب وراح تخليه متسواااي وهذا يعني عمر اطول للبيب

البيب يمكن يصدي بس عمره راح يكون اطول من البيب العادي من هذي الناحيه

بعدين الي بيسوي كذا لازم ينظف البيبات بين فتره وفتره لانه ما سواهم الا عشان يعطون شكل لسيارته وبهذا الكلام تقدر تقول انه مافي شي سلبي في الموضوع كله