أخجل من اخويْ حسين


زينب تسأل العباس لعب بينا العطش وطره
شوف الناس حزنانه على طه النبي بعبره
شماته بكربلا يا حيف تظل حسرة بعد حسره
هاذوله بلسم الجنة وشهد من فاطمة الزهرة
هذوله الدنيا والأكوان ودين المصطفى وعطره
فدوه رحت لترابج يا زينب يا رمز الثورة والنصره

أريد المايْ أجيبنّه .. أريد الماي ْ أجيبنّه

حسين الفارس المغوار ابن طه وعلي الكرار
حرر بالعدل تاريخ وقاد الثورة والثوار
وحذاها بسيفَه والنخوه وشعلها ثار فوق الثار
لجم نار العدو بناره وبدمّه شيعته أحرار
صلاح الأمة من جدَّه ومن شرعَه العِدا تنهار
لأن ليل المحجّه أنوار تطوي وتسبق الأقدار

أريد المايْ أجيبَنّه .. أريد الماي ْ أجيبَنّه

أريد الماي أجيبنّه لكن مكَطّعه زنودي
أخجل من اخويْ حسين أخافن تكثر ذنوبي
تقدم للنهر عباس شبل حيدر اجهْ برعدَه
تهابه الناس مْنْ يقبل قمر شقّ الأرض وحده
شبل حيدر علي الكرار سعيد للي وصل جده

أريد المايْ أجيبنّه .. أريد الماي ْ أجيبنّه

أخويْ حسين ظل مطروح وقلبَه من العطش ملجوم
تزيد هموم بن حيدر بأرض الغربة ظل مظلوم
دارت دورة الدنيا يا علي ذفزّْ وكَوم
ابنك بالفرات يضيع حشى حشى بدمّه ركَا الغيوم
عضيد حسين أبو فاضل ودمّه عطر صدّ اللوم
أخو زينب وفا ابوعدَه وعهده للقيامة يدوم

أريد المايْ أجيبنّه .. أريد الماي ْ أجيبنّه


محمد شرف الشريف المدلي